எளிய முறையில் இஞ்சி பூண்டுத் துவையல் தயாரிக்கும் முறை

எளிய முறையில் இஞ்சி பூண்டுத் துவையல் தயாரிக்கும் முறை


தேவையான பொருள்கள்-:

தோல் நீக்கப்பட்ட பிஞ்சு இஞ்சி வில்லைகள், உரித்த பூண்டு – தலா ஒரு கிண்ணம்,
காய்ந்த மிளகாய் – 10,
புளி – எலுமிச்சை அளவு,
மஞ்சள்தூள் – ஒரு சிட்டிகை,
உப்பு – தேவையான அளவு,
வெல்லம் – சிறு உருண்டை,
நல்லெண்ணெய் – அரை கிண்ணம்,
கடுகு – ஒரு டீஸ்பூன்.


செய்முறை:

இஞ்சி, புளி, பூண்டு, காய்ந்த மிளகாய், உப்பு, மஞ்சள் தூள் எல்லாவற்றையும் கரகரப்பாக அரைத்துக்கொள்ளவும். கடாயில், எண்ணெய் விட்டு காய்ந்ததும் கடுகைப் போட்டு, அரைத்த விழுதைப் போட்டுக் கிளறவும். சுருண்டு வரும்போது, வெல்லம் சேர்த்துக் கிளறி எடுத்துவைக்கவும். கெடாமல் இருக்கும்.

பலன்கள்:

பசியின்மை, வயிற்று மந்தம் ஆகியவற்றுக்குக் கைகண்ட மருந்து. பாலூட்டும் தாய்மார்களுக்குச் சிறந்தது.