Coronavirus வீட்டிலேயே சேனிடைசர் தயாரிப்பது எப்படி

Coronavirus வீட்டிலேயே சேனிடைசர் தயாரிப்பது எப்படி

தட்டுப்பாடு நிலவ நிலவ சானிடைசரை வீட்டிலேயே தயாரிக்க தொடங்கிவிட்டார்கள். கை சுத்தம் உடல் ஆரோக்கியமாயிற்று. கொரோனா தொற்று பரவாமல் இருக்க கைகளை சுகாதாரமாக வைத்துகொள்ள வேண்டும் என்கிறார்கள். இதனால் கைகளில் பரவும் தொற்றை தடுக்க கண்டிப்பாக சேனிடைசர் பயன்படுத்துங்கள் என்கிறார்கள் மருத்துவ நிபுணர்கள். சேனிடைசர் என்றால் என்ன? எதில் தயாரிக்கிறார்கள், அவை கிருமிகளை எதிர்த்து எப்படி போராடுகின்றன என்பதைப் பற்றி இங்கு தெரிந்துகொள்ளலாம்.

வீட்டிலேயே ஹேண்ட்மேட் சேனிடைசர்

கொரோனா வைரஸ் உலகை அச்சுறுத்தி வந்த நிலையில் தற்போது இந்தியாவிலும் தனது தாக்குதலை தொடங்கியிருக்கிறது. மக்கள் அனைவரும் பாதுகாப்பாக இருக்க அரசு தரப்பும், சுகாதாரத்துறையும் பல விழிப்புணர்வுகளை மேற்கொண்டு வருகின்றன.

வரும் முன் காப்போம் என்பதற்கேற்ப கொரோனா வைரஸ் பரவுவதை தடுக்க பல வழிமுறைகளை அறிவுறுத்தியிருக்கின்றன. அதில் ஒன்று கைகளை சோப்பு போட்டு நன்றாக கழுவுவது. மேலும் வெளியிடங்களில் சேனிடைசர் பயன்படுத்துவது. வைரஸை முற்றிலும் அழிக்கும் கிருமிநாசினியாக செயல்படும் சேனிடைசர் பொது இடங்களில் அதிக அளவு பயன்படுத்த தொடங்கியிருப்பதால் தற்போது முககவசம் போன்று இதற்கும் தட்டுப்பாடு நிலவுவதாக சொல்லப்படுகிறது. ஆனால் சேனிடைசரை மிக எளிமையாக வீட்டிலேயே தயாரிக்க முடியும்.

சேனிடைசர் என்றால் என்ன? இதை எப்படி தயாரிப்பது என்பது குறித்து தெரிந்துகொள்வோம்.

சேனிடைசர் என்றால் என்ன?
மருத்துவ மனைகளில் மருத்துவர்கள் நோயாளிகளை தொட்டு பரிசோதனை செய்த பிறகு தங்கள் கைகளில் ஒரு மருந்தை தடவி கொள்வார்கள். இதுதான் சேனிடைசர் என்று அழைக்கப்படுகிறது. இது ஒரு கிருமி நாசினி. இதை தடவி கொண்டாலே போதும். கைகளை கழுவ வேண்டிய அவசியம் இல்லை. இந்த சேனிடைசர் கைகளில் கண்ணுக்கு தெரியாமல் இருக்கும் பாக்டீரியாக்களையும், வைரஸையும் அழித்துவிடும்.

சேனிடைசரிலும் வகைகள் உண்டா?
ஆல்கஹால் மற்றும் நான் ஆல்கஹால் என்று இரண்டு வகைகள் இதில் இருக்கின்றன. இந்த சேனிடைசர்கள் நுரை போன்றும், ஜெல் போன்ற நிலையிலும், திரவ வடிவத்திலும் தயாரிக்கப்படுகின்றன.

சேனிடைசர் தயாரிப்பில் பயன்படுத்தும் மூலப்பொருள்கள் என்னென்ன?
சேனிடைசர் இரண்டு வகைப்படும். அதில் ஒன்றான ஆல்கஹால் சேனிடைசர் என்பது 65 சதவீத எத்தனால் மற்றும் 35 சதவீதம் ஐஸோ ப்ரொபைல் அடங்கியிருக்கிறது. அடுத்தது ஆல்கஹால் அல்லாத சேனிடைசரில் பென்சல் கோனியம் குளோரைடு (Benzalkonium Chlorid) மற்றும் ட்ரைக்ளோசன் (Triclosan) முக்கிய பொருளாக கொண்டு தயாரிக்கப்படுகிறது.

சேனிடைசர் கிருமிகளை அழிக்குமா?
ஆல்கஹால் சேர்த்த சேனிடைசர் நிச்சயம் கிருமிகளை அழிக்கும். சேனிடைசர் தயாரிப்பில் பயன்படுத்தும் பென்சல்கோனியம் க்ளோரைடு வீரியமிக்க பாக்டீரியாக்களையும் அழிக்கவல்லது. இது பூஞ்சைகளை கொல்லும் ஆற்றலை கொண்டது. விரல்களில் இருக்கும் கிருமிகளை விரட்டி அடிக்க இதைபயன்படுத்தலாம் ஆனால் உள்ளுக்குள் இவை போகாமல் பார்த்துகொள்ள வேண்டும். குறிப்பாக குழந்தைகளுக்கு இந்த வாசனை பிடித்து விட்டால் அதை வாயில் வைத்து ருசிக்க தொடங்கிவிடுவார்கள்.

இதை வீட்டில் தயாரிக்க முடியுமா?
வணிக ரீதியில் தயாரிக்கும் சேனிடைசரை விட வீட்டில் தயாரிக்கும் சேனிடைசர் அனைத்து வயதினருக்கும் பாதுகாப்பாக இருக்கும். இதன் மூலம் ஆரோக்கியமான சேனிடைசரை நீங்கள் வீட்டிலேயே பெறமுடியும்.

சேனிடைசர் தயாரிப்பது எப்படி?
ஆல்கஹால் பிரதான பொருள் என்றாலும் நீங்கள் எத்தனால் அல்லது ஐஸோப்ரொபைல் ஆல்கஹாலை தான் பயன்படுத்த வேண்டும். மெத்தனால்,பியுட்டானால் ஆல்கஹால் கண்டிப்பாக தவிர்க்க வேண்டும். 70 சதவீதம் மட்டுமே கொண்டிருக்கும் ஆல்கஹால் பயன்படுத்தும் போது அவை கிருமிகளை அழிக்க எந்த வகையிலும் உதவாது. அதனால் தான் 99% எத்தனால் பயன்படுத்த வேண்டும். ஜெல் போன்ற வடிவத்தில் தயாரிக்க விரும்புபவர்கள் கற்றாழை ஜெல்லை சேர்க்க வேண்டும்.

தரமான கற்றாழை சாறை கடைகளில் வாங்கி கொள்ளுங்கள். சேனிடைசர் தயாரிப்பின் போது மேலும் கிருமிகளை விரட்ட கிராம்பு எண்ணெயை பயன்படுத்தலாம். இதை அதிக அளவு சேர்த்தால் சருமத்தில் எரிச்சலை உண்டாக்கும்.

அதனால இரண்டு அல்லது மூன்று துளிகளுக்கு மேல் இதை சேர்க்கவேண்டாம். வாசனைக்கு நறுமண எண்ணெயும் சேர்க்கலாம். இவை சருமத்தை பாதிப்புக்குள்ளாக்காது. அதோடு நறுமணமாகவும் இருக்கும். ஒரு அகலமான கிண்ணத்தில் 3 கப் எத்தனால் அல்லது ஐசோப்ரொபைல் ஆல்கஹால் சேர்த்துகொள்ளுங்கள்.

இதில் 3 கப் வீதத்துக்கு 1 கப் வீதம் கற்றாழை ஜெல்லை சேர்த்து ஸ்பூனால் நன்றாக கலக்குங்கள். பிறகு நறுமணத்துக்கு சேர்க்கப்படும் எண்ணெயையும் சேர்த்து நன்றாக கலக்கி பிறகு கண்ணாடி ஸ்ப்ரே பாட்டிலில் சேமித்து பயன்படுத்துங்கள். குறிப்புசேனிடைசர் தயாரிக்கும் போது எத்தனால் பெளலில் ஊற்றும் போது எச்சரிக்கையாக செயல்படுங்கள். அவை உங்கள் சருமத்தின் மீது படாமல் பார்த்துகொள்வது சருமம் எரிச்சல் ஆகாமல் பாதுகாக்கும்.

சேனிடைசர் உடலுக்கு கேடு தருமா?

ஆல்கஹால் சேர்க்காத சேனிடைசரை விட ஆல்கஹால் கொண்டு தயாரித்த சேனிடைசர் அதிக விளைவுகளை உண்டாக்குவதில்லை. ஆல்கஹால் அல்லாத சேனிடைசர் அதிகம் பயன்படுத்தும் போது அவை புற்றுநோயை உண்டாக்கும் கார்சினோஜெனை உருவாக்குகின்றன. அதனால் தான் ஆல்கஹால் இருக்கும் சேனிடைசர் உபயோகிப்பது அதிக விளைவுகளை உண்டாக்காது என்கிறோம். எனினும் சேனிடைசரை மட்டும் பயன்படுத்தினால் போதும்.

கைகளை கழுவ வேண்டாம் என்று சொல்கிறார்கள். ஆனால் சேனிடைசர் உபயோகிக்கும் போது அவை கைகளில் இருக்கும் நல்ல பாக்டீரியாக்களையும் சேர்த்து அழித்துவிடுகிறது. அதனால் சுத்தமான நீரை திருப்பி அதில் கைகளை சோப்பு போட்டு கழுவுவதே சிறந்தது என்கிறார்கள் சுகாதாரத்துறை வல்லுநர்கள். எனினும் தற்போது கொரோனா வைரஸ் குறித்த பாதுகாப்பு நடவடிக்கையில் செல்லும் இடங்களில் கைகளில் சேனிடைசர் வைத்திருந்தால் வைரஸ் தாக்கத்திலிருந்து தப்பித்துகொள்ளலாம் என்பதும் கவனிக்க வேண்டியதாகிறது.