மரண பீதியை தரும் கொரோனா தொற்று எப்படி உருவாகி எப்படி பரவுகிறது

மரண பீதியை தரும் கொரோனா தொற்று எப்படி உருவாகி எப்படி பரவுகிறது

உலக சுகாதார நிறுவனம் கொரோனாவை பெருந்தொற்று என்று அறிவித்துள்ளது. இதனால் மக்கள் அனைவரும் மிகுந்த அச்சத்தில் இருந்து வருகிறார்கள். உண்மையில் தொற்று என்பது என்ன, எப்படி பரவத் தொடங்குகிறது என்பது பற்றிய சந்தேகங்களுக்கான விடையாகத்தான் இந்த கேள்வி பதில் தொகுப்பு அமைகிறது. படித்துத் தெரிந்து கொள்ளுங்கள். அதிலும் குறிப்பாக எந்தெந்த வடிவங்களில் தொற்று பரவ வாய்ப்புண்டு என்பதையும் தெளிவாகப் புரிந்து கொள்ளுங்கள். அந்த தெளிவையும் உங்களுடைய சந்தேகங்களுக்கு விடையும் தரக்கூடிய தொகுப்பு தான்.

தொற்றுநோய் என்பது என்ன?
ஒரு புதிய நோய் ஏதேனும் ஒரு வகையில் உலகம் முழுவதும் பரவுவதைத் தான் தொற்றுநோய் என்கிறோம். உதாரணமாக, இன்ஃப்ளூயன்ஸா வைரஸ் பரவி உலகம் முழுவதிலும் நோயைப் பரப்பிய பொழுது, இந்த தொற்று வார்த்தை பெரும் தாக்கத்தை உலகம் முழுவதிலும் ஏற்படுத்தியிருந்தது. ஏதேனும் ஒரு வகையில் ஒருவரிடம் இருந்து மற்றொருவருக்குப் பரவுகின்ற முறையைத் தான் தொற்று என்று அழைக்கிறோம். அது பரவுகின்ற முறைகள் வேறு வேறாக இருக்கலாம். ஆனால் ஒருவரிடமிருந்து மற்றவருக்குப் பரவும் தன்மை கொண்டதாக இருக்கும். உலகம் முழுவதும் ஏற்படுகின்ற இந்த செயல் துரதிஷ்டவசமாக அதிக அளவில் விலங்குகள், மற்ற உயிரினங்களைக் காட்டிலும் மனித இனத்தையே அதிக அளவில் பாதிக்கிறது.

எவ்வளவு தொலைவில் பரவக்கூடியது?
தொற்று என்பது ஒரு குறிப்பிட்ட பரப்பளவில் மட்டுமே பரவக் கூடியது. என்றோ குறிப்பிட்ட தூரம் வரையில் மட்டும் தான் பாதிப்பை ஏற்படுத்தும் என்பதெல்லாம் கிடையாது. ஊர் விட்டு, நாடு விட்டு ஏன் கண்டங்கள் கடந்து கூடு எளிதாகப் பரவும் தன்மை கொண்டது தான் தொற்று நோய்கள். உலகம் முழுவதிலும் மிக எளிதாக ஊடுருவிச் செல்லும் அதீத ஆற்றல் இந்த தொற்றுக்களுக்கு உண்டு. கொரோனா வைரஸ் தொற்று பரவாமல் இருக்க என்ன பண்ணனும்? என்னலாம் பண்ணக் கூடாது?

எப்படி தொற்றை அறிவது?
தொற்று என்பது மிகத் தீவிரமாக கண்காணிக்கப்படும். தீவிரமான நோய்த்தொற்று எவ்வளவு பேரை பாதிக்கிறது என்பதைப் பொருத்து தான் அதன் தீவிரத் தன்மையை அறிய முடியும். இவற்றில் பெரும்பாலும் பருவ கால நோய்களைப் போலவே தான் ஆரம்பத்தில் இருக்கும். அதனால் பருவ காலங்களில் வரும் சாதாரண விஷயம் என்று நினைத்து விட்டுவிடக் கூடாது. ஏனென்றால் பருவ கால நோய்கள் பலவும் தொற்று நோய்களாகவே இருந்திருக்கின்றன என்பதைப் புரிந்து கொள்ள வேண்டும்.

பேரழிவை ஏற்படுத்திய தொற்றுக்கள் எவை?
உலகிலேயே இதுவரையிலும் மிக மோசமாகப் பாதித்த, பேரழிவை ஏற்படுத்தி தொற்று எது தெரியுமா? கி.பி 14 ஆம் நூற்றாண்டில் கிட்டதட்ட 100 மில்லியன் மக்களைக் கொன்ற பிளாக் டெத் என்னும் தொற்றுநோய் தான் உலகிலேயே அதிக அளவில் பேரழிவை ஏற்படுத்திய நோய்த்தொற்று ஆகும். அதைத் தாண்டி சமீப காலங்களில் ஏற்பட்ட கொஞ்சம் கொடிய தொற்றுக்களாகக் கருதப்பட்டவை எச்ஐவி, ஸ்பானிஷ் காய்ச்சல், 2009 ஆம் ஏற்பட்ட காய்ச்சல் தொற்று, எச்1என்1 ஆகிய தொற்றுக்கள் தான் அதிகம் பேரை தாக்கிய தொற்றுக்களாகக் அறியப்படுகின்றன. கொரோனா வைரஸ் தொற்று பரவாமல் இருக்க என்ன பண்ணனும்? என்னலாம் பண்ணக் கூடாது?

உலக சுகாதார நிறுவனம் என்ன சொல்கிறது?
தொற்றுக்களை உலக சுகாதார நிறுவனம் ஆறு வகைகளாக வகைப்படுத்தி வைத்திருக்கிறது. இன்புளூயன்ஸாவில் இருந்து இது தொடங்குகிறது. ஆரம்பத்தில் விலங்குகளிடம் இருந்து ஏதோவொரு நிகழ்வுகளின் மூலம் பரவத் தொடங்கும் இந்த தொற்றுக்கள் தீவிரமடைந்து அழிவுகளை உண்டாக்குவதோடு ஒரு தொற்றிலிருந்து மற்றொரு தொற்றாகக் கூடு மாற்றமடைவதுண்டு.

யாரிடமிருந்து யாருக்கு பரவுகிறது?
ஆரம்ப காலத்தில் விலங்குகளுக்குத் தொற்று ஏற்பட்டு அது ஏதேனும் சில விலங்கு மற்றும் மனித செயல்பாடுகளின் மூலமாக மனிதனுக்குப் பரவி, அதன்பின் மனிதர்களுக்குள்ளேயே தொற்று தீவிரமடைந்து பல்கிப் பெருக ஆரம்பிக்கிறது. உதாரணமாக பாம்பு, வௌவால் ஆகியவற்றுக்கு ஏற்பட்ட தொற்று அதை உண்ட ஏதேனும் சில மனிதர்களுக்குப் பரவி, அதோடு நின்று விடவில்லை. அதன் தொடர்ச்சியாக மனகித குலத்தையே அச்சுறுத்தத் தொடங்கியிருக்கிறதல்லவா? இப்படித்தான் இந்த தொற்றுக்களின் தொடர்ச்சி இருக்கிறது.