சானிடைசர் கிடைக்கலியா இயற்கை தரும் இந்த பொருளை பயன்படுத்துங்க | Tamil Serial Today-247

சானிடைசர் கிடைக்கலியா இயற்கை தரும் இந்த பொருளை பயன்படுத்துங்க

சானிடைசர் கிடைக்கலியா இயற்கை தரும் இந்த பொருளை பயன்படுத்துங்க

சானிடைசர் கிடைக்கிறது கஷ்டமா இருக்கு. அதுக்கு பதிலா வேற ஏதாவது செய்யலாமா என்பவர்கள் வீட்டில் பயன்படுத்தக்கூடிய பொருள்களில் இருந்தும் கிருமிகளை ஒழிக்க முடியும். சானிடைசர் கடந்த சில வருடங்களுக்கு முன்பு சானிடைசர் அதிகம் பயன்படுத்த வேண்டாம். அப்படி பயன்படுத்தினால் அது கைகளில் இருக்கும் கெட்ட பாக்டீரியாக்களை மட்டும் அல்லாமல் நல்ல பாக்டீரியாக்களையும் அழிக்கிறது என்று பலரும் அறிவுறுத்தினார்கள்.

தற்போது கொரோனா வைரஸ் பெருந்தொற்று என்று அறிவிக்கப்பட்ட நிலையில் கைகளிலிருக்கும் வைரஸ் தொற்று அழியவும் மேலும் பரவாமல் இருக்கவும் சானிடைசர் பயன்படுத்தும்படி அறிவுறுத்தப்படுகிறது. ஆனால் கொரோனா பாதுகாப்புக்கு முகக்கவசம் அணிவது அவசியம் என்ற விழிப்புணர்வால் முகக்கவசத்துக்கு கடுமையான தட்டுப்பாடு இருந்து வந்தது.

தற்போது சானிடைசர் பயன்படுத்துங்கள் கிருமிகள் அழியும் என்று கூறிவரும் நிலையில் அதற்கும் தட்டுப்பாடு அதிகரித்து வருகிறது. ஆனால் சானிடைசருக்கு மாற்றாக அவை கிடைக்காத நிலையில் பாரம்பரிய முறைப்படி கிருமி நாசினிகளை பயன்படுத்தலாம் என்கிறார் சித்தமருத்துவர் டாக்டர். விக்ரம் குமார். அப்படி நாம் பயன்படுத்த வேண்டிய பொருள்கள் குறித்தும் இங்கு தெரிந்து கொள்வோம்.

சானிடைசர்

99% ஆல்கஹால், வாசனை எண்ணெய் மற்றும் கற்றாழை சாறு கொண்டு தயாரிக் கப்படும் சானிடைசர் தயாரிப்பு குறித்தும் அதன் பயன்பாடுகள் குறித்தும் ஏற்கனவே எழுதியிருக்கிறோம். எனினும் இது குறித்து சுருக்கமாக பார்க்கலாம். மருத்துவமனையில் மருத்துவர்கள் நோயாளிகளை தொட்டு பரிசோதனை செய்ததற்கு பிறகு கைகளில் சானிடைசர் கொண்டு துடைத்து கொள்வார்கள். இதன் மூலம் வைரஸ் தாக்காமல் இருக்கும்.

வீட்டிலேயே சேனிடைசர் தயாரிப்பது எப்படி?

குழந்தைகள் இந்த சானிடைசர் உபயோகப்படுத்தும்போது கைவிரல்களை வாயில் வைத்தால் அவை உடல் நலனை பாதிக்கும் என்றும் எச்சரித்தார்கள். அதனால் இதை பெரும்பாலும் வீட்டில் பயன்படுத்துவதில்லை. ஆனால் கொரோனா தொற்றுக்கு பிறகு அவை பரவாமல் தடுக்கவும் பொதுஇடங்களுக்கு செல்லும் போது கைகளில் ஒட்டியிருக்கும் வைரஸை அழிக்கவும் வீடுகளிலும் வெளியில் செல்லும் போதும் சானிடைசர் பயன்படுத்துங்கள் என்று தொடர்ந்து அறிவுறுத்தி வருகிறார்கள்.

தற்போது இதன் விலை பன்மடங்கு பெருகிய நிலையில் கிடைப்பதிலும் தட்டுப்பாடு நிலவுகிறது. இந்நிலையில் என்ன செய்வது எப்படி தற்காத்துகொள்வது என்று நினைப்பவர்கள் வீட்டில் இருக்கும் பொருள்களை கொண்டு வைரஸ் தொற்றாமல் பாதுகாத்துகொள்ளலாம்.

மஞ்சள்

மஞ்சள் சிறந்த கிருமி நாசினியாக செயல்படுகிறது. உடல் உள்ளுக்கு எடுக்கும் போது இவை தொற்றை அழிப்பதோடு உடலுக்கு எதிர்ப்பு சக்தியும் அளிக்கிறது. அதனால் தான் வீடுகளில் வாரந்தோறும் மஞ்சள் கலந்த நீரை தெளித்துவந்தார்கள். இதனால் விஷப்பூச்சிகளும் வீட்டை நெருங்காது. இந்த மஞ்சளையும் நாம் சானிடைசருக்கு மாற்றாக பயன்படுத்தலாம்.

தரமான மஞ்சளை வாங்கி பயன்படுத்துவது அவசியம். ஒரு தம்ளர் நீருக்கு இரண்டு டீஸ்பூன் வீதம் மஞ்சள்தூளை கலந்து கண்ணாடி பாட்டிலில் ஊற்றி வைத்துவிடுங்கள். கைகளை சோப்பு போட்டு கழுவினாலும் பிறகு இந்த மஞ்சள் கலந்த நீரை ஒரு கிண்ணத்தில் ஊற்றி அதில் 30 விநாடிகள் வைத்திருந்து அல்லது அந்த நீரில் கைகளை நன்றாக கழுவி விடுங்கள்.

எவ்வளவு பயன்படுத்தினாலும் இவை நன்மையே. உள்ளுக்கு போனாலும் கெடுதல் பயக்காது என்பதால் வேண்டிய அளவு பயன்படுத்தலாம். ஆனால் மொத்தமாக கலக்காமல் தினமும் தேவையான அளவுக்கு தயாரித்துகொள்ள வேண்டும். வீட்டிற்குள்ளும் கூட இந்த நீரை தெளிக்கலாம். பூச்சிகளும் வராமல் இருக்கும்.

படிகாரம்

தண்ணீரின் தூய்மைக்கு பயன்படுத்தப்படும் பொருள் இது. சித்தர்கள் காலம் முதல் இது மருத்துவசிகிச்சையிலும் பயன்படுத்தபடும் ஒரு பொருள். உப்பு படிமம் தான் இந்த படிகாரம். படிகாரக்கல். இதை சீனாக்காரம் என்றும் அழைப்பார்கள். இதை மருத்துவத்துக்கும் பயன்படுத்தி பலனடைந்திருக்கிறார்கள். உடலில் இருக்கும் கிருமிகளை விரட்டி அடிக்க உதவு படிகாரம் சருமத்தில் எந்தவிதமான பிரச்சனைகளையும் உண்டாக்காது. அதோடு சருமத்தின் மேல் இருக்கும் கிருமிகளையும் நீக்கும் குணம் கொண்டது. அதனால் தான் முன்னோர்கள் கைவைத்தியத்திலும் இந்த படிகாரத்துக்கு முக்கியத்துவம் கொடுத்து வைத்திருந்தார்கள்.

தொண்டைப்புண், இருமல், மூக்கடைப்பு பிரச்சனைகளுக்கு பரிகாரத்தை கொண்டு வைத்தியம் செய்தார்கள். இந்த படிகாரத்தை கொண்டு சானிடைசருக்கு மாற்றாக கைகளில் இருக்கும் கண்ணுக்கு தெரியாத கிருமிகளை விரட்டிஅடிக்கமுடியும்.

படிகார சானிடைசர்

படிகாரத்தை வாங்கி தூளாக்கி கொள்ளுங்கள். அல்லது படிகாரத்தூளே கடைகளில் கிடைக்கும். படிகாரத்தூளை நீரில் கலந்து வைத்து கைகளை கழுவி கொள்ளலாம். படிகாரத்தூளுடன் கற்றாழை சாறு கலந்து குழைத்து கண்ணாடி பாட்டிலில் போட்டு விடலாம். இதை கைகளில் தடவி கொள்ளலாம். சிறிய பாட்டிலில் வைத்துகொண்டு வெளியே செல்லும் போதும் சானிடைசருக்கு மாற்றாக பயன்படுத்தலாம்..

படிகாரத்தை நீர் விட்டு குழைக்க நேரமில்லை என்பவர்கள் முன் தினம் இரவு படிகாரத்தை நீரில் ஊறவைத்து அதனுடன் கற்றாழை சாறை சேர்த்து, வாசனை எண்ணெய் கலந்து நன்றாக குலுக்கி பாட்டிலில் சேர்த்து கை கழுவ பயன்படுத்தலாம். வீட்டினுள்ளும் தெளித்துகொள்ளலாம். இவை உள்ளுக்குள் போனாலும் எந்த தொற்றும் உண்டாகாது என்பதால் குழந்தைகளுக்கு படிகார ஜெல் நன்றாகவே பயனளிக்கும் அதுவும் எல்லா காலங்களிலும்.

திருநீற்றுபச்சிலை

திருநீற்றுபச்சிலை மூலிகை குணமிக்க பொருள். இதை உள்ளுக்குள் எடுத்துகொள்வதன் மூலம் பல நோய்கள் குணப்படுத்தப்படும். சானிடைசர் பயன்படுத்தும் போது அதன் நறுமணத்தை உணர்பவர்கள் இந்த திருநீற்றுபச்சிலையை பயன்படுத்தும் போதும் உணர்வார்கள். நறுமணமிக்கது இந்த இலை. இவை வேலி ஓரங்களில் வயல் ஓரத்தில் சாதாரணமாக காணப்படும். இந்த திருநீற்று பச்சிலை இலையை அரைத்து சம அளவு கற்றாழை சாறு கலந்து பயன்படுத்தலாம். வைரஸ் தொற்றை நீக்கும் மருத்துவ குணங்களை கொண்டிருக்கும் திருநீற்றுபச்சிலையை கீரை விற்பவர்களிடம் வாங்கியும் பயன்படுத்தலாம்.

சானிடைசர் தட்டுப்பாடு என்று இருக்கும் இந்த சூழ்நிலையில் அவை கிடைக்கும் வரை அதற்கு மாற்றாக இயற்கையில் கிடைக்கும் இந்த பொருள்களை பயன்படுத்துங்கள். நறுமணத்துக்கு தேவையெனில் வாசனை எண்ணெய் சில சொட்டுகளை சேர்த்து கொள்ளுங்கள். வைரஸ் தொற்றிலிருந்து பாதுகாப்பாய் விடுபட இந்த வழி நிச்சயம் உதவும்.