கொரோனோ வைரஸ் பீதி-இதை மட்டும் கடைபிடியுங்கள் மருத்துவர்கள் அறிவுறுத்தல்

கொரோனோ வைரஸ் பீதி-இதை மட்டும் கடைபிடியுங்கள் மருத்துவர்கள் அறிவுறுத்தல்

உடல் வலிமை தாண்டி மனதிலும் வலிமை தேவை ஏனெனில் நோயை எப்போதும் அச்சத்துடன் எதிர்கொள்ள கூடாது. அதிலும் நோய் தொற்று வந்துவிடுமோ என்ற அச்சமே மன உளைச்சலுக்கு உள்ளாக்கிவிடும். தற்போது கொரோனா வைரஸ் குறித்து மக்களிடம் விழிப்புணர்வு அதிகரித்துதான் இருக்கிறது அதைவிட அதிகமாய் அச்சமும் சேர்ந்திருக்கிறது. எதையும் பயத்துடன் எதிர்கொள்ளும்போது அவை கூடுதல் அதிக வலிமையைப் பெற்றுவிடும்.

அந்த வகையில் கொரோனா வைரஸ் இப்போது வலிமை மிக்கவர்களையும் அசைத்து பார்த்துள்ளது என்பதே உண்மை. பொதுவாக மருத்துவர்கள் அறிவுறுத்துவது ஒரு விஷயம் தான். நோய் வந்தாலும் அதை மன உறுதியோடு நம்பிக்கையுடன் எதிர்கொண்டாலே போதுமானது. அப்படி இருந்தால் வரும் நோய் எவ்வளவு கொடியதாக இருந்தாலும் அவை ஆச்சரியத்தக்க வகையில் குணமடைந்துவிடும். அப்படி இருக்கும் போது வராத நோயை நினைத்து பயம் கொள்வதை விட நோய் வராமல் இருக்க என்ன செய்ய வேண்டும் என்ற விழிப்புணர்வை கொண்டிருந்தாலே போதும். பீதி அடைய தேவையில்லை. அப்படி நீங்கள் என்னெல்லாம் செய்ய வேண்டும். தெரிந்துகொள்வோமா?

​கொரோனா வைரஸ்

இது குறித்து அதிகம் பார்த்தும் படித்தும் விட்டோம் என்றாலும் சிறு குறிப்புடன் முடித்து கொள்ளலாம். கடந்த டிசம்பர் மாதம் அன்று சீனாவின் வுஹான் மாநிலத்தில் இது தீவிர மான வைரஸ் தொற்று என்பதை சீன தேசிய சுகாதாரம் உறுதி செய்து அறிக்கை வெளி யிட்டது. இறைச்சியின் வாயிலாக விலங்குகளிடமிருந்து மனிதனுக்கு இந்த தொற்று பரவியிருக்கலாம் என்றும் தெரிவித்திருந்தது.

இறுதியாக கொரோனா குடும்பத்திலிருந்து இவை 7 வது வைரஸ் என்பதும் இதற்கு 2019 -nCoV (new strain of coronavirus) என்ற பெயரும் வைத்து அழைக்கப்பட்டது. சீனாவை தொடர்ந்து தாய்லாந்து, ஜப்பான், அமெரிக்கா, ஆஸ்திரேலியா போன்ற நாடுகளிலும் இந்த அறிகுறிகளுடன் சிலர் மருத்துவமனையில் அனுமதிக்கப்பட்டிருந்தார்கள்.

எப்போது இந்தியா வருமோ என்று அஞ்சிகொண்டிருந்த நிலையில் சீனாவிலிருந்து வந்த வர்களை தொடர் கண்காணிப்பில் வைத்து பரிசோதனை செய்ததில் சீனாவில் படித்து கொண்டிருந்த கேரள மாணவி ஒருவருக்கு இந்த தொற்று இருப்பதை மத்திய அரசு உறுதி செய்தது. அவர் குணமடைந்துவிட்ட நிலையில் இன்று கொரோனா வைரஸ் தாக்கதுக்கு இதுவரை 143 பேர் பாதிக்கப்பட்டிருக்கிறார்கள் என்பது குறிப்பிடத்தக்கது.

​ஆபத்தை உண்டாக்க கூடியதா

கொரோனா வைரஸ் பாதிக்கப்பட்டவர்களில் இதுவரை 200 க்கும் மேற்பட்டவர்கள் பலி யாகியிருக்கிறார்கள். இவை குணப்படுத்த கூடிய வைரஸ் அல்ல என்று சொல்வதை விட இதை குணப்படுத்த இன்னும் மருந்துகள் கண்டுபிடிக்கப்படவில்லை என்று சொல்லலாம். அதே நேரம் இதை கட்டுப்படுத்தவும் தவிர்க்கவும் என்னவெல்லாம் செய்யலாம் என்று அரசும், மருத்துவர்களும் மக்களுக்கு பலவிதமான விழிப்புணர்வுகளை மேற்கொண்டு வருகிறார்கள்.

இந்நிலையில் இது குறித்து சித்த மருத்துவர் விக்ரம் குமார் அவர்களிடம் கேட்டபோது இந்த வைரஸ் தொற்று வந்தாலே உயிரிழப்பு ஏற்படும் என்று மக்கள் மத்தியில் தவறான கருத்து அதிகரித்துவருகிறது. ஆனால் இதுவும் ஒரு வைரஸ் தொற்று அவ்வளவே. அதோடு இவை தீவிரமாக எளிதாக பரவக்கூடியது என்பதால் தான் இத்தொற்று பாதித்தவரை தனிமையில் வைத்து சிகிச்சை அளிக்க வேண்டிய அவசியம் உண்டாகிறது.

​குணமாக்கலாமா? யாருக்கு பாதிப்பு

வழக்கத்தை விட அதிக வெப்பநிலையில் உடல், தொண்டையில் புண், சளி, இருமல் இந்த அறிகுறிகள் தென்படும் போதே மருத்துவரை அணுகினால் இந்த பாதிப்புக்கு மருந்துகள் அளிக்கப்படும். அதே நேரம் கொரோனா வைரஸ் அழிக்க மருந்துகள் இல்லை. அதனால் தான் இத்தொற்று பரவாமல் இருப்பதில் அதிக விழிப்புணர்வு காட்டி வருகிறோம்.

ஒரு பொதுவாக நோய்த்தொற்று என்பது எதிர்ப்பு சக்தி குறைவாக இருக்கும் குழந்தை களையும், வயதான வர்களையும் வைரஸ் தொற்று எளிதாக தாக்கும். ஆரோக்கியமான உடல்நிலை உள்ளவர்கள் இது குறித்து பயப்பட வேண்டாம். அன்றாட பழக்க வழக்கங் களிலும் உணவு முறையிலும் கடைபிடிக்கவேண்டியதை கவனமாக கையாண்டால் தேவையில்லாமல் பீதியடைய வேண்டியதில்லை.

​எதிர்ப்பு சக்தி அதிகரிக்க

உடலில் நோய் எதிர்ப்பு சக்தி அதிகம் இருப்பவர்களை வைரஸ் அவ்வளவு எளிதில் தாக் காது. அதற்கேற்ப அன்றாட உணவில் வைட்டமின் சி உணவுகளை அதிகம் எடுத்து கொள்வது மிகவும் முக்கியம்.

நெல்லிக்கனி எதிர்ப்புசக்தியை அதிகரிக்க கூடியது. தினமும் காலை நெல்லிக்காயை கொட்டை நீக்கி மிக்ஸியில் அடித்து சாறு பிழிந்து குடிக்கலாம். தினமும் ஒரு வேளை எலு மிச்சை சாறு, சமபாதி அளவு நெல்லிச்சாறு கலந்து பழச்சாறாக குடிக்கலாம். இனிப்புக்கு தேன் சேர்த்துகொள்ளலாம்.

பழங்கள் அனைத்துமே சத்துமிக்கவை என்பதால் பழங்கள் இல்லாமல் உணவை எடுக்க வேண்டாம். குறிப்பாக கொய்யா பழம் தினமும் சாப்பிடுவது எதிர்ப்புசக்தியை அதிகரிக் கும். இவை தவிர கீரைகள் காய்கறிகளையும் பயன்படுத்துங்கள்.உணவில் காரத்துக்கு மிளகாயை சேர்க்காமல் மிளகை சேருங்கள்.

கிருமி நாசினியான மஞ்சளை அன்றாடம் சமையலில் சேர்ப்பதுண்டு என்றாலும் கூட சற்று அதிகப்படியாக சேர்க்கலாம். குழந்தைகளுக்கும், வயதானவர்களுக்கும் தினமும் பாலில் சிட்டிகை அளவு மஞ்சள் தூள் மற்றும் மிளகுபொடியை சேர்த்து கொடுப்பதும் எதிர்ப்பு சக்தியை அதிகரிக்கும்.

இப்படி உணவில் தினமும் இஞ்சி, மஞ்சள் தூள், மிளகு, நெல்லிக்கனி, எலுமிச்சை போன்ற வற்றை தவறாமல் சேர்த்துகொள்வது நிச்சயம் வைரஸ் தொற்று உங்களை அண்டாமால் பாதுகாக்கும். அதை எதிர்த்து போராடக்கூடிய எதிர்ப்புசக்தியை உங்கள் உடலுக்கு கொண்டு வர இந்த வகை உணவுகள் உதவும். இது குறித்து மேலும் விரிவாக மற்றுமொரு கட்டுரையில் பார்க்கலாம்.

நிலவேம்பு குடிக்கலாமா?

பொதுவாக காய்ச்சலுக்கு பயன்படுத்தகூடிய நிலவேம்பு காய்ச்சலை மட்டும் விரட்டி அடிக்காமல் உடலில் நோய் எதிர்ப்பு சக்தியை அதிகரிக்க கூடியது. கொரோனா அச்சத் தில் இருப்பவர்கள் வாரம் இருமுறை நிலவேம்பு நீர் குடிக்கலாம். இவை உடலில் நோய் எதிர்ப்பு சக்தியை அதிகரிக்க கூடியது. அருகிலிருக்கும் மருத்துவமனையில் அல்லது நாட்டு மருந்து கடைகளில் கிடைக்கும் நிலவேம்பு பொடியை நீரில் கொதிக்கவிட்டு வடிகட்டி கால் தம்ளர் வீதம் குடிக்கலாம்.

நிலவேம்பு குடித்தால் கொரோனா வைரஸ் குணமாயிடும் என்பதற்காக அல்ல. இவை வைரஸை எதிர்த்து போரிடக்கூடியவை என்பதால் உடலை வலுப்படுத்தி கொள்ள நில வேம்பு குடிக்கலாம் என்று சொல்லலாம்.

​இறைச்சியால் பரவுமா?

இறைச்சி கூடத்திலிருந்து கரோனா வைரஸ் பரவியது என்பதால் மக்களிடம் இறைச்சி சாப்பிட்டாலே கரோனோ வந்துவிடும் என்ற சந்தேகம் இருந்துவருகிறது. ஆனால் நாம் இறைச்சியை நன்றாக வேக வைத்து தான் சாப்பிடுகிறோம். தவிர சீனர்களை போன்று அதிக வகையான விலங்குகளை நாம் உண்பதில்லை. அவர்களை போல் ரா-வாகவும் சாப்பிடுவதில்லை என்பதால் இந்த பயம் தேவையில்லை.

சுகாதாரமும் குறிப்பிட வேண்டிய விஷயம். குழந்தைகள், பெரியவர்கள் அனைவரும் வெளியில் செல்லும் போது முகமூடி அணிந்துகொள்வதும், வெளியிலிருந்து வீட்டுக்கு வந்ததும் கை, முகத்தை சோப்பு போட்டு கழுவுவதும் முக்கியம். இதையும் மீறி அதிகப் படியான காய்ச்சல், சளி, இருமல், தும்மல், மூச்சுத்திணறல் அறிகுறி இருந்தால் தயங்கா மல் மற்றவர்களிடமிருந்து விலகி மருத்துவமனையை அணுகுவதும் அவசியம்.

இறுதியாக வெப்பமிகுந்த நம் நாட்டில் இந்த வைரஸ்தொற்று தீவிரமாக பரவ வாய்ப் பில்லை என்பதும் குறிப்பிடதக்கது. அதிலும் தற்போது கோடைக்காலத்தை நோக்கிய நம் பயணத்தில் கண்டிப்பாக இந்த கொரோனா வைரஸ் வேகமாக பயணிக்காது என்பதும் குறிப்பிடதக்கது.

எதிர்ப்பு சக்தி தரக்கூடிய உணவு வகைகளையும் பாதுகாப்பான நடவடிக்கைகளையும் கவனமாக மேற்கொள்ளும் போது கொரோனா வைரஸ் தாக்கம் தீவிரமாகாது என்பதே உண்மை.