எளிய முறையில் ஆயுர்வேத சூப் தயாரிக்கும் முறை

எளிய முறையில் ஆயுர்வேத சூப் தயாரிக்கும் முறை


தேவையான பொருள்கள்-:

கற்பூரவல்லி இலை – 15,
ஓமம் – 2 டீஸ்பூன்,
சீரகம் – 2 டீஸ்பூன்,
தனியா – 2 டீஸ்பூன்,
மிளகு – 4 எண்ணிக்கை,
சுக்குத்தூள் – ஒரு சிட்டிகை (தேவைப்பட்டால்),
இஞ்சி – 1 துண்டு,
பூண்டு – 4 பல்,
சோம்பு – சிறிது (தேவைப்பட்டால்),
உப்பு – தேவையான அளவு,
பெருங்காயத்தூள் – ஒரு சிட்டிகை (தேவைப்பட்டால்),
வெற்றிலை – 4,
நெய் – 2 டீஸ்பூன்.


எப்படிச் செய்வது-:

கற்பூரவல்லி இலையை சுத்தம் செய்து வைக்கவும்.

கடாயில் 1 டீஸ்பூன் நெய் விட்டு கற்பூரவல்லி இலை, வெற்றிலை சேர்த்து வதக்கி தனியே எடுத்து வைக்கவும்.

மற்றொரு கடாயில் நெய் விட்டு ஓமம், சீரகம், தனியா, சோம்பு, மிளகு, பூண்டு, பெருங்காயத்தூள் சேர்த்து வதக்கி, அதில் கற்பூரவல்லி இலை, வெற்றிலையுடன் 2 கப் தண்ணீர், உப்பு சேர்த்து கொதிக்க வைக்கவும்.
கொதித்து சுண்டியதும் வடித்து பரிமாறவும்.

சத்தான ஓமம் கற்பூரவல்லி இலை சூப் ரெடி.