வாழைப்பழ கேக் செய்வது எப்படி

வாழைப்பழ கேக் செய்வது எப்படி


தேவையான பொருட்கள்:

பழுத்த வாழைப்பழம் – 4
சர்க்கரை – 1&1/4 கப்
வெண்ணெய் – 2 மேசைக்கரண்டி
வெண்ணிலா எசென்ஸ் – 2 தேக்கரண்டி
மைதா – 2 & 1/2 கப்
இலவங்க பட்டை தூள் – 2 தேக்கரண்டி
பேக்கிங் பவுடர் – 2 தேக்கரண்டி
பேக்கிங் சோடா – 1 தேக்கரண்டி
உப்பு 1/2 தேக்கரண்டி
பால் – 1/2 கப்
தயிர் – 1/4 கப்
வால்நட்ஸ் / வறுத்த முந்திரி பருப்பு – தேவையான அளவு.


செய்முறை:

இந்த வாழைப்பழ கேக்கை மைக்ரோ ஓவன் இல்லாமல் வெறும் பிரஷர் குக்கரில் மிக ஈஸியாகவே செய்துவிட முடியும். சரி வாங்க வாழைப்பழ கேக் எப்படி செய்வது என்று இப்போது நாம் காண்போம்..!

வாழைப்பழ கேக் செய்வது எப்படி? ஸ்டேப்: 1

வாழைப்பழ கேக் செய்வதற்கு முதலில் அடுப்பில் ஒரு கடாயை வைத்து இரண்டு டேபிள் ஸ்பூன் வெண்ணெய் சேர்த்து உருக்கி வைத்து கொள்ளவும்.

பின்பு மற்றொரு பவுலில் நான்கு பழுத்த வாழைப்பழத்தை சிறு சிறு துண்டுகளாக நறுக்கி வைத்து கொள்ளவும், இந்த நறுக்கிய வாழைப்பழத்துடன் 1 1/4 கப் சர்க்கரை மற்றும் உருக்கி வைத்துள்ள வெண்ணெயை சேர்த்து நன்றாக ஒரு கரண்டியை கொண்டு கிளறி கொள்ளவும்.

அடுத்ததாக இந்த கலவையுடன் இரண்டு ஸ்பூன் வெண்ணிலா எசென்ஸ் சேர்த்து கிளறி தனியாக வைத்து கொள்ளவும்.

வாழைப்பழ கேக் செய்வது எப்படி? ஸ்டேப்: 2

அதன் பிறகு மற்றொரு பாத்திரத்தில், 2 1/2 கப் மைதா, இரண்டு ஸ்பூன் இலவங்கப்பட்டை தூள், இரண்டு ஸ்பூன் பேக்கிங் பவுடர், ஒரு ஸ்பூன் பேக்கிங் சோடா மற்றும் 1/2 ஸ்பூன் உப்பு ஆகியவற்றை சேர்த்து நன்றாக கிளறி கொள்ளவும்.

பின்பு இந்த கலவையுடன் வாழைப்பழ கலவையை சேர்த்து Hand Beater பயன்படுத்தி நன்றாக மிக்ஸ் பண்ணவும், பின்பு அதனுடன் 1/2 கப் பால் சேர்த்து திரும்பவும் hand beater கொண்டு நன்றாக கிளறி கொள்ளவும்.

வாழைப்பழ கேக் செய்வது எப்படி? ஸ்டேப்: 3

பின்பு அதனுடன் 1/4 கப் கெட்டியான தயிர் சேர்த்து திருப்பவும் hand beater கொண்டு கலவையை நன்றாக கலந்து கொள்ளவும்.

இப்பொழுது வாழைப்பழ கேக் (banana cake recipe) செய்வதற்கு கலவை தயார்..!

இப்பொழுது ஒரு கேக் டின்னை எடுத்து கொள்வோம். அவற்றில் சிறிதளவு வெண்ணெயை தடவி சிறிதளவு மைதா மாவை தூவி இந்த டின்னில் கலந்து வைத்துள் கலவையை சேர்த்து அதன் மேல் வறுத்த முந்திரியை தூவிவிடவும்.

பின்பு அடுப்பில் பிரஷர் குக்கர் வைத்து அவற்றில் சிறிதளவு தண்ணீர் ஊற்றி, அதன் மேல் ஒரு சிறிய பாத்திரம் அல்லது ஷ்டான்ட் வைத்து, அதன் மேல் இந்த கேக் டின்னை வைக்க வேண்டும்.

வாழைப்பழ கேக் செய்முறை ஸ்டேப்: 4

பின்பு பிரஷர் குக்கரை மூடி, குறைந்தது 45 நிமிடங்கள் அல்லது ஒரு மணி நேரம் வரை அடுப்பை மிதமான சூட்டில் நன்றாக வேகவைக்க வேண்டும்.

பிறகு 45 நிமிடங்கள் கழித்து கேக்கை அடுப்பில் இருந்து இறக்கி, கேக் டின்னை மெதுவாக எடுக்க வேண்டும்.

அவ்வளவு தான் சுவையான வாழைப்பழம் கேக் தயார்.

அனைவருக்கு அன்புடன் பரிமாறவும்.

ஈஸியா கேக் செய்வது எப்படி (banana cake recipe) என்று தெரிந்து கொண்டீர்களா? வீட்டில் செய்து அசத்துங்கள்..!

Rates : 0