ஆரோக்கியமான ஓட்ஸ் வெங்காய தோசை செய்வது எப்படி

ஆரோக்கியமான ஓட்ஸ் வெங்காய தோசை செய்வது எப்படி


தேவையான பொருட்கள்

ஓட்ஸ் – 3 கப்
தயிர் – 2 ஸ்பூன்
சீரகம் – 1 ஸ்பூன்
பச்சை மிளகாய் – 3
அரிசி மாவு – 2 ஸ்பூன்
சோள மாவு – 2 ஸ்பூன்
வெங்காயம் – 1
உப்பு – தேவையான அளவு
கறிவேப்பிலை – சிறிதளவு


செய்முறை :

* வெங்காயம், ப.மிளகாயை பொடியாக நறுக்கி கொள்ளவும்.

* ஓட்ஸை வெறும் கடாயில் போட்டு சிறிது வறுத்து ஆறவைத்து மிக்சியில் போட்டு பொடித்து கொள்ளவும்.

* பச்சை மிளகாய் மற்றும் சீரகம் இரண்டையும் மிக்சியில் போட்டு அரைத்து கொள்ளவும்.

* ஒரு பாத்திரத்தில் வறுத்த ஓட்ஸை போட்டு அதனுடன் சிறிது வெந்நீர், தயிர், அரிசி மாவு, சோள மாவு, அரைத்த பச்சை மிளகாய் கலவை சேர்த்து தேவையான அளவு உப்பு சேர்த்து 30 நிமிடம் ஊற வைக்கவும்.

* கடைசியாக அதனுடன் நறுக்கிய வெங்காயம், சிறிது கறிவேப்பிலை சேர்த்து கலக்கவும்.

* தோசைக்கல்லை அடுப்பில் வைத்து சூடானதும் இதில் கரைத்த மாவை மெல்லியதாக தோசை போல ஊற்றி வேக வைத்து எடுக்கவும்.

* சுவையான, ஆரோக்கியமான ஓட்ஸ் தோசை தயார்.

* இதை அனைத்து விதமான சட்னியுடனோ, வெறும் தோசையாகவோ சாப்பிட மிகவும் சுவையாக இருக்கும்.

Rates : 0